- hot topics
- by mabel shek
- 18/08/2023
中韓KOL張厚耀（Sue Chang）在IG擁有33.7萬的粉絲，又深受廣告商喜愛，不時都會為不同的品牌賣廣告。她在2017年與男友結婚，其後先後誕下兩名女兒。日前她在IG分享了大女Jane的鞋履品牌廣告影片，但竟有網民狠批囡囡醜樣，更斥：「如果唔係因為你，佢一世都唔會賣到廣告」，令Sue Chang罕有以13字反擊護女，掀起網民連反翻罵戰，及後Sue再有回應！
作為家長定必會花盡心思、將100%的愛給予子女。身為媽媽的KOL Sue Chang都不例外，難得大女Jane拍攝鞋履品牌廣告影片，Sue更帶囡囡親身到銅鑼灣觀看廣告的成品，Jane一看到廣告牌後便露出超級興奮和驚訝的表情，開心得不停跳起，非常可愛！Sue Chang還留言寫上：「Proud Mama，媽媽永遠是你頭號粉絲」。
影片一出，大批網民稱讚Jane可愛，還留言：「囡囡反應好可愛」、「眨下眼就咁大個女」、「好可愛嘅Jane！」、「呀妹反應太可愛了」。
Sue以13字霸氣護女
怎料，有網民留言指Jane很醜樣，更直言：「如果唔係因為你，佢一世都唔會賣到廣告」。
Sue Chang眼見囡囡被網民攻擊樣貌，以13字霸氣回應：「咁唔抵得，下世投胎做我個女囉」，及後將此對話轉載至IG限時動態，寫上：「好少覆呢啲，但見你攻擊我個女，我覆返你啦！但點知你又delete自己留言」。
大批網民聲討Sue
隨即獲得大批網民以海量私訊及在原文留言慰問及聲討，大讚她女兒很有氣質又可愛，Sue Chang亦cap圖分享，並寫上：「一切在心中」。
網民：點解要攻擊一個小朋友？
該網民再度留言指自己沒有刪除留言，更反指是Sue所為，因而令Sue Chang再度反擊：「可能係路人見到睇唔過眼？我覆得你又點會report你。每個留言我都一樣當禮物咁對待」。
期間引起大批網民怒斥該網民太mean，認為不應該攻擊小朋友：「好地（哋）地（哋）點解要攻擊人地（哋）個女？你因為樣貌而去judge人，呢種思想建議改改下」、「你個樣又有幾靚呀？」、「點解你一個大人仲要去貶低一個小朋友呢？同埋其實Sue細個同Jane都好似樣」。樣貌從來都沒有美的定義和準則，更何況批判對象只係一個小朋友！
邊個星二代被攻擊樣貌？
林盛斌大女霏霏
林盛斌（Bob）大女林霏兒（霏霏），遺傳自爸爸，她的五官猶如餅印，加上身形都似到十足。現年14歲、正在青春期的霏霏表示自己都曾陷入自我懷疑：「我覺得自己好肥、好樣衰，夜晚會自己喺度喊，有時會覺得自己肥唔想出街。」
不過後來她想通了，不應執著於外貌和身材，又指自己好健康最緊要！她表示很喜歡鄭欣宜：「要做好自己嘅女神唔好理俗世眼光，每個人被製造落嚟時都係獨一無二，所以就不如be youself﹗」年紀輕輕的霏霏不受批評影響，獲網民大讚。
熊黛林細女Lyvia
名模熊黛林（Lynn）與郭可盈弟弟郭可頌於2018年誕下孖女Kaylor與Lyvia，一家4口相當幸福，但孖女愈大外表愈有差異。
有網民則認為熊黛林一對孖女的外貌大不同，大女Kaylor擁有水汪汪的大眼睛，樣子較甜美，因而被人直斥她的細女Lyvia不及姐姐Kaylor。
